Van Leeuwenhoekstraat – Diahuebs merdia durante cu Maria College Mavo tawata cabando a drenta varios yamada na Central di Polis bisando di un pelea formal pafo di e scol.
Segun informacionnan, algun hoben cu uniform di EPB a presenta den e area pa busca un alumno di dicho Mavo problema.
E hoben posiblemente mirando e cantidad contra e so a bay sconde den un auto Suv blanco cu tawata staciona altura di Ateliers 89.
Parse cu e esnan cu a bin busca problema lo a mira unda ela bay sconde y aki sin ningun berguensa a cuminsa manda e auto cu piedra causando daño na e vehiculo nobo.
Manera sa pasa den mayoria caso pa ora cu patruyanan kier yega den e trafico congestiona di merdia ya esnan cu a bin busca problema a core bay.
Mayornan di e hoben lo a haci un keho oficial na polis y a contact nan compania di Seguro.
Aki ta unda Cuerpo Policial mester sinta hunto y pensa un plan pa combati e incidentenan. Ta masha biaha tin peleanan grandi na e scolnan y Dios laga nunca algo termina fatal, paso e ora ta laat.
Di parti Onderwijs tambe mester sanciona e alumnonan aki cu ta bringa den uniform di scol.