Alemania – Gronau. Criminalnan a cuminsa target Abogadonan Hulandes, esaki ta di dos Abogado tira.
Diaranson mainta un otro Abogado Hulandes Schol(43) a wordo tira. Esaki a sosode na un luga net over di e grens cu Enschede.
E Abogado cu lo ta biba na Enschede a bira victima di un Drive By Shooting, momento cu e tawata canando ariba caya den e parti Aleman Gronau cu ta cerca di Enschede.
Segun nos a compronde e Abogado a resulta seriamente herida, unda cu unidadnan di rescate a hibe cu urgencia direccion Hospital.
Ta ser papia di un auto cu plachi di number di Hulanda cu lo a comete e acto aki.
Mesora a start un investigacion grandi. No ta conoci e motibo ainda tras di e tiroteo aki, of ken lo kier e Abogado aki morto.
Esaki ta bira e dos Abogado Hulandes cu a bira victima di e violencia serio aki.
Na september Derk Wiersum a wordo tira mata na Amsterdam dilanti su cas.
Wiersum su cliente tawata un testigo principal di e Mocro Maffia Nabil B.
Segun autoridad Hulandes nan lo a detene un sospechoso di e caso aki.
Foto Volkskrant.nl
