Puerto Rico – Conocido astrologo, Walter Mercado, a fayece. E astrologo di 87 aña a fayece na un hospital na San Juan, Puerto Rico.
Walter Mercado a keda hospitalisa den oktober y a raporta di ta den un estado stabiel. Pero awe vocero di e famia Mercado, Omar Mateos, a sali pafor splicando cu Mercado a fayece di algun complicacion renal (riñon).
Walter Mercado Salinas a nace na Ponce, Puerto Rico bou signo di piscis riba 9 di maart 1932. Desde hoben e tawata fascina cu astrologia. E a studia psicologia, pedagogia y medicina na universidad. Eynan e a keda hopi interesa den e mente humano y tambe den matanan medicinal.
Sigur un figura cu lo haci hopi falta. Su predicionan di horoscope y pa e aña nobo lo keda falta. Mercado tawata conoci pa su dicho “reciban de mí siempre mucha paz, pero sobre todo mucho, mucho, mucho amor”.
