Gasparito – Diahuebs mainta algo pasa di 6:30 polis a bay poco pura na crusada di Gasparito unda un auto a bolter.
Na yegada di polis nan a mira un auto color preto y mas cerca nan yega a mira cu ta un Jeep Wrangler dos porta.
Polisnan a papia cu e chauffeur cu no tawata desea asistencia di Ambulance.
Loke a sosode ta cu e Jeep tawata bayendo direccion zuid y lo a hala na su man robes pa drenta un bocht.
Pero caminda muha y velocidad halto a pone cu ela perde control completo ariba e vehiculo y esaki pone dal contra algun baranca y pa final bay cay entre un troncon di mata di Kwihi y di un cura di cas.
Manera nos a bisa caba e chauffeur no tawata desea asistencia medico, mirando con e auto a keda ta un milager cu e chauffeur a sali sin un rasca.