146
Companashi – Diaranson merdia polis a wordo pidi na un adres na Companashi, unda algo un ruman homber lo a menasa su ruman muhe cu morto.
Na yegada polis a topa cu e ruman muhe cu no ta biba na e adres. E cas lo ta di su mama un persona di edad y e ruman homber ta biba eynan.
Loke nos por a compronde cu e ruman homber lo no ta gusta ora su ruman muhe bin bishita su mama. Esaki ta debi cu e segun e ruman homber, su ruman muhe ta pidi e mama placa y mas cos.
Dado momento cos a escala y e mama di edad lo mester a para memey, algo nada saludabel.
Aki ta unda e ruman homber a menasa su ruman muhe, y door di esaki e ruman a yama polis.
Polis a yega na e sitio y a papia cu ambos ruman pa asina trece trankilidad na e cas bek.
