J.E.IRAUSQUIN BOULEVARD – Diadomingo mainta trempan colega di Team Prensa Aruba a capta un imagen exclusivo momento cu dilanti Molen un auto Nissan Silvia tawata haciendo fever.
Esaki tawata den careda di 5’or cu chauffeur di e auto aki tawata draai tire preparando pa pone “drama”, pero no tawata sa kiko tawata spera su persona.
Na prome instante ela sali y cuminsa haci loke e tawata tin planea o sea drift y duna esnan rond su show prome cu e bay cas.
Aki ta unda e auto no a coopera cune.
Un Kia Sportage cu no tin nada di haber y tawata wardando e Nissan Silvia haci su show ta ser sorpresa momento cu e Nissan Sylvia numera A-47604 ta perde control y dal su auto.
E chauffeur iresponsabel di e Silvia no a para pa pidi disculpa y regla cos manera ley ta stipula, pero a dicidi di move bay di e sitio cu velocidad halto.
Chauffeur di e Kia Sportage a trata na bay su tras, pero sin ningun resultado.
Pa loke ta doño di e Silvia ta bon pa e tuma contacto cu e doño di e Kia Sportage y regla cosnan manera ley ta stipula, paso si ela pasa cu nan a hit and run su auto elo no a gusta tampoco.