Prome cu ela bandona Aruba: Pasahero deteni cu varios Credit Cards cu e no por a responde pa nan

Queen Beatrix International Airport – Diaranson atardi algun rato prome cu pasahero tawata bandona Aruba polis a hale un banda.

Posiblemente via algun informacion ricibi, nan mester a controla e cabayero aki.

E pasahero aki cla pa bandona e isla tawata den posesion di basta mercancia, probablemente esaki tambe a hala atencion di autoridad na Airport.

Momento cu a bay controle a bin haya diferente Credit Cards, cu e no por a responde pa nan.

Esaki mesora a cende un luz cerca autoridad di Grens Politie.

Recherche a wordo avisa y a tuma e cabayero over pa asina cuminsa haci investigacion, y mira unda tur ela cumpra cos.

Of ta manera nos a indica caba, ta negoshinan mes a bati alarma cerca autoridad cu na salida e homber a wordo para.