Ora bo ta den fila paga tino: Pabo no hayabo den sorto di boksmento manera esaki

Tanki Flip – Diaranson atardi den careda di 6’or a sosode un boksmento pazuid di rotonde di Tanki Flip, ora un auto a dal tras di un otro.

Segun nos a compronde e auto Ford Edge no a regula su velocidad y ta dal patras di un Mazda pick up su dilanti.

Door di e impacto un dama den e Mazda a resulta herida, pues e tawata keha di basta dolor na su nek.

Ambulance a presenta unda cu Paramediconan a opta pa transporta e dama pa Hospital.

Polis y compania di seguro tambe tawata presente.