Video Corsou: Dos homber aparentemente lo a wordo atraca y tambe ta ricibi varios tiro

Willemstad – Corsou

Diamars mainta algo prome cu 10:30 informacion ta drenta cu dos homber trahando den Construccion lo a haya varios tiro, mesora autoridad a sali pa e sitio.

Pa ta exacto esaki a sosode den Rodeweg dilanti e Pomp di Gasolin Colon.

Aunke ta ser papia di un atraco no ta conoci dicon un persona a yega y los varios tiro ariba un trahado unda cu un otro colega tambe a reslulta herida.

Un di e victimanan a ricibi tres impacto di balo mientras e otro a haya solamente uno.

Mesora a pidi dos ambulance na e sitio, unda cu autoridad tambe lo mester a cuminsa nan investigacion.