Palm Beach – Diadomingo marduga algo prome cu 2:30 polis y ambulance a wordo manda Palm Beach na altura di Sole Mare, unda un accidente di trafico a tuma luga.
Tawata den careda di 2:30 cu polis a bay ariba e caminda di Palm Beach pa un accidente cu hende herida.
Na yegada polis a topa cu un auto Lincoln y un Hyundai Accent color blanco.
Ambos tawata tin daño material.
Loke a sosode
Na e sitio nos a bin compronde cu e damanan den e Accent tawata bayendo direccion luznan di trafico di Palm Beach.
E Lincoln biniendo pariba a bay lora na su man robes pa drenta un caya y no a duna preference na e Accent.
Chauffeur di e Lincoln tawata bou influencia. Su famia a presenta basta lihe na e sitio y lage sinta den auto, posiblemente nan no ta biba mucho leu di unda e accidente a tuma luga.
Despues di un rato e chauffeur a cuminsa saca y probablemente door di esaki Paramediconan a transporte pa Hospital, unda lo haci un miho control ariba dje.