Na Corsou un hobencita hulandes a wordo atraca , secuestra, mara, a tapa su wowonan y a bente den lama.
Willemstad, Corsou: Diadomingo, 25 di Augustus den careda di 1’or y mey di marduga a sosode un incidente hopi serio na Corsou. Un damita Hulandes a wordo secuestra/ atraca, pa dos persona, un homber y un muher. Esaki a sosode na Caracasbaaiweg na altura di e truck di pan.
E atracadornan a bay cu e damita y despues contra su boluntad a pasa lanta cent na dos diferente machine di ATM, uno den bario di Jandoret y e otro den e bario di Buena Vista. Na varios ocasion e agressornan aki a trata na choka e damita.
Fuente: Vigilante y Kuerpo Policial Korsou
https://www.facebook.com/VigilanteKorsou/videos/2484718181624232/?t=15
E damita tabata mara y su wowonan tapa, na momento cu e agresornan tabata tin suficiente cent den nan poder. Nan a dicidi di hiba e damita na e mirador memei di Kenepa Chiki cu Kenepa grandi. Na momento cu nan a benta e damita a for di baranca den lama, e tabata mara y wowo tapa. E damita Hulandes a logra sobrevivi, su suerte tabata cu unda nan a tire no tabata hundo y asina a logra sali bibo for di lama.
Polis na Corsou mesora a cuminsa cu un investigacion entre otro usando e imagennan di e camaranan di seguridad. Polis a manda un video rond pa e comunidad di Korsou por yudanan haya sa ken ta e dos atracadornan aki.
E video aki a wordo publica y ni 24 ora despues dos persona a dicidi di entrega nan mes na polis y a keda deteni. Ta trata di un homber di 29 aña y un muher di 31 aña. Ambos ta deteni y ta wordo interoga.