Caya Jose Geerman, San Nicolas: Diahuebs anochi den careda di 11’or y mey, ta drenta un informe di un atraco arma cu lo a caba di sosode na Zhou Guang bar situa den Caya Jose Geerman. Mesora ta manda un patruya di polis na e sitio.
Na yegada e polisnan ta topa cu un homber, kende ta declara cu ela bay den baño y a tende un persona grita “Atraco”, di susto e homber a tira su cartera color preto riba vloer pa sconde. Ela sigui declara cu algun seconde despues un homber a bin ta punta un arma di candela den su direccion. Segun su persona e homber tabata color scur y tabata tin un sweater Roos/cora bisti y jeans.
Despues e agentenan a papia cu un dama y e dama a declara cu e tabata tras di caha na momento cu tres homber desconoci pa su persona a drenta y un di e hombernan a puntra e dama pa placa, E hombernan a coi full e caha y a bay cune, den e caha tabata tin mas cu 800 florin.
Tambe e dama a declara cu e hombernan despues di a coi e cash register, nan a core bay direccion zuid
Personal di TBP, recherchenan di Atraco Team a presenta na e sitio pa asina haci mas investigacion. Slachtofferhulp tambe a wordo pidi na e sitio.