Playa Pabou – Dialuna atardi algo prome cu 5’or polis a bay den area nobo na Pos Abou pa Playa Pabou, unda un homber canando lo a bay a bira malo. Na prome instante a pensa cu auto lo a dal e.
Na yegada di polis a resulta cu e anciano a bira malo y no por a sigui cana mas.
Parse cu elo a haya un dolor fuerte den su lomba banda drechi.
Polisnan na e sitio a pidi pa ambulance poco pura, debi cu ta trata di un persona di edad. Mirando cu e caminda ta cayente agentenan a habri un laken, y a trata na convence e cabayero pa drumi warda ambulance.
Rapid Responder a yega pa duna prome asistencia debi cu e otro dos ambulancenan tawata ocupa.
Despues di warda un poco un ambulance a yega y a transporta e anciano pa Hospital, pa mira kiko a pase.
Parse cu elo a bebe un tiki dimas tambe.