Piedra Plat – Diamars anochi pasa di 7’or Brandweer y Polis a bay pabou di e rotonde di Bright Bakery, pa un auto na candela.
Brandweer cu a yega prome mesora a cuminsa combati e auto cu tawata na candela.
Tawata trata di un Chevrolet S10 color preto.
Na e sitio nos a compronde di e dos hobennan cu tawata den auto cu nan a caba di tank e auto, y pasando e rotonde e auto a cuminsa pega candela.
Asina mes nan a subi e auto ariba acera y a habri e hood, pa trata na paga e candela cu nan flanel/paña. Lastimamente esaki no a logra y e candela a keda bira mas grandi.
Na yegada di Brandweer a kedanan solamente pa paga e parti dilanti di e auto cu a kima por completo.
Polis a yuda cera e caminda na rotonde di Bright Bakery, evitando cu trafico bin abou unda Brandweer tawata traha.
Na final mayornan di hoben a yega y no tawata mucho contento di loke a pasa.
Por a scucha e tata zundra e amigo, insinuando cu ta su culpa.