Sero Janchi: Dialuna den oranan di anochi, presencia di polis a wordo pidi na un cas na Sero Janchi. Informacion a drenta cu tin un persona cu a bira malo na e cas aki.
Mesora a manda polis y ambulance na e dicho adres, na yegada nan ta topa cu un persona naci na aña 1966, e persona aki no tabata duna señal di bida.
Mesora a avisa Dokter y e polisnan pa descarta cu por ta trata di un crimen, a pidi pa presencia di recherche, especialmente mirando cierto circumstancia na e sitio.
Dokter a presenta y a constata morto, maske cu ela menciona cu ta trata di un morto natural, asina mes e recherchenan na e sitio a pidi pa presencia di departamento tecnico pa haci algun investigacion.
E polisnan na e sitio a manda pidi presencia di slachtofferhulp pa atende cu e famia. E edad sigur ta hopi jong pa un morto natural, esaki tambe tabata un di e motibonan pa kiko a pidi pa haci investigacion.
Despues di un investigacion intenso y largo na e cas na Sero janchi, autoridada no a mira cu ta necesario pa tuma e curpa den beslag y a entrega e curpa na e famia pa asina nan por cuminsa atende cu e funeraria tur e tramitenan di entiero.
