Ambulance a transporta hoben pa hospital: Despues cu ela yega cas cu un hinca na su curpa

Kibaima – Diadomingo anochi den careda di 9’or polis a bay cu urgencia un adres situa na Kibaima, eynan un persona lo a yega cas cu un hinca na su curpa. A resulta cu tawata mas cu un hinca, y mayoria tawata na lomba.

Na yegada di autoridad nan a constata cu enberad na e cas un hoben a yega cu varios hinca.

Elo a wordo hinca cu algo skerpi.

Mirando cu ta un situacion serio, agentenan mesora a pidi pa Recherche. Nomber di un persona cu lo a hinca e hoben a wordo menciona, pues ta mustra cu conoce e persona cu a comete e acto.

Polisnan na e sitio a trata di compila mas informacion posibel.

Paramediconan despues di a stabilisa e hoben a sali direccion Hospital.