Homber a pasa door di plafon y ta cay heridando su mes

Avenida Milo Croes – Diabierna merdia 12:30 p.m polis y ambulance a wordo manda cu urgencia pa Ex Kooyman, esta e negoshi nobo situa eynan pa un persona cu lo a cay for di dak.

Na yegada nan a constata un persona ariba vloer na e entrada parti paden, e tawata keha di basta dolor.

Na prome instante a pensa cu e persona aki lo ta un empleado di e luga, pero esaki no tawata e caso.

A resulta cu e persona aki lo ta traha pa un compania cu ta instala Solar Panels.

Durante cu ela subi pa bay mira con lo haci e instalacion, elo a pisa un caminda robes y pasa via plafon bin abou.

Polis a avisa instancia manera DTI, pa sorto di accidentenan manera esaki.

Paramediconan despues di a stabilisa e persona a transporte pa Hospital.