Tanki Flip – Diabierna merdia polis di trafico tawata man yen cu varios accidente.
Algo prome cu 1:30 p.m polis y ambulance a bay rotonde Tanki Flip, unda un Quadracer lo a accidenta.
Na yegada ya algun miembro di Kazerne di Brandweer a sali y tuma nota di loke a pasa, debi cu tawata tin dos persona herida.
Na e sitio nos a compronde cu ta trata di dos turista o sea un pareha.
E accidente a sosode momento cu nan a bay tuma e bocht ariba e rotonde, y cu e Quadracer a kentel na banda drechi.
Esaki a causa cu ambos a cay heridando nan mes, e dama tawata keha di dolor na brasa mientras e cabayero a haya un kap ariba su wowo drechi.
Na yegada di Paramediconan nan preparanan y despues sali cu ambos direccion Hospital.
Posiblemente velocidad poco halto lo a causa cu e Quadracer a kentel.