Pos Chikito/Brazil: Diaranson den careda di 9 ‘or di anochi a tuma lugar un atraco arma riba Kam Man Minimarket (Ex Rey Hing) na Pos Chikito.
Tres persona bisti estilo Ninja y arma un cu revolver y un otro riffle. Nan a bay cu full e cash register.
Algun minuut despues ta drenta informacion di un otro atraco cu lo a caba di sosode na Leyi Food Mart na Brazil.
Segun informacion no oficial ta trata di e mesun tres atracadornan cu un rato prome a comete e atraco na Kam Man.
Polis, atraco team y Departamento Tecnico di polis y demas autoridadnan a presenta na e sitionan.
Patruyanan di polis ta riba un alerta y por mira riba caminda den e areanan unda e atraconan a tuma lugar.
Te na e momentonan aki no ta conoci cu cuanto placa e atracadornan a bay cune y nos ta wardando riba informacion oficial di parti Cuerpo policia.