104
ORANJESTAD – Diabierna ultimo Minister di Finansa, Asuntonan Economico y Cultura a ricibi dor di man di sra. Julie Emerencia di Departamento di Cultura un exemplaar di e buki ‘Potpuri Arte di Palabra 2019’ cu ta un compilacion di obra di tur participante di e competencia di Arte di Palabra di Aruba, Boneiro y Corsow.
E buki sigur ta un bunita ilustracion di e talento grandi cu nos hobennan tin pa traha y declama poesia y haiku na Papiamento. Tur participante y colaborador na Arte di Palabra lo ricibi un copia di e buki aki como recuerdo di e actividad importante aki cu ta brinda honor na nos idioma Papiamento.
