98
Diadomingo mainta Brazil Taekwondo Stichting a celebra su di 25 aña di existencia den un ambiente full diferente cu personagenan atletico cu a contribui na grandi na e Follow Me 6K Fun Walk and Run.
E Follow Me 6K Fun Walk and Run di Brazil Taekwondo Stichting a hala hopi atencion den e mundo di coredo y canado cu a bin pa drag een steenje.
For di momento cu Willy Willems a duna e señal di start, Kevin Gama Gonzalez a ranca bay den un solo speed lagando tur hende su tras. Yuli Tineo tabata na di dos luga den e damasnan na Mabon pero na caminda a logra di pasa su colega y a sigui mantene su mes na prome luga den e damasnan.
Kevin Gama Gonzalez tabata #006 y tabata e prome persona pa yega ariba e Top di Palisiaweg sigui pa Yuli Tineo cu tabata #30. Despues di a caba di subi e Top di Palisiaweg nan a dobla bay abou den Weg Seroe Blanco pa despues sigui te na Centro di Bario Brazil. Ambos coredo a wordo sorprendi cu nan potret imprimi ariba Aluminium cu tabata un sorpresa cu a pone un sonrisa riba nan cara.
Brazil Taekwondo Stichting ta gradici tur e canado y coredonan pa nan sosten na e team di Train Hard Fight Smart.