Oranjestad – Durante di un rueda di prensa awe mainta na Museo Arkeologico, Sra. Nataly Simmons, Executive Director di Aruba Bank, a anuncia cu Aruba Bank lo ta un partner hunto cu Stichting Monumentenfonds Aruba (SMFA) den nan esfuerso pa restaura e unico forno di kalki situa na Ranchostraat.
Pa Aruba Bank e ta hopi importante pa proteha nos edificionan historico, monumentonan y arkeologico pa asina por segura cu nos ta salvaguardia e localidadnan stima, caminda nos futuro generacionnan por disfruta di esaki. Nos aporte financiero pa e proyecto aki no solamente ta pa sostene e restauracion pa futuro generacionnan, pero tambe como un esfuerso cu ta yuda genera empleo, crecemento economico y proteccion di e patrimonio di nos pais.
Ademas di esaki nos contribucion ta yuda duna sosten na nos orguyo local, establece habilidad di artenan tradicional y asina yuda nos comunidad y bishitantenan pa balora na momento di uza e lugarnan cu nan ta stima.
Masha pabien Aruba!
