Pa medio di e comunicado aki Fundacion Accion Ambiental ta condena totalmente e daño grandi cu awordo haci ariba e baranca panort di Baby Beach na unda a rosa y destrui tur e cuebanan cu ta pasa bou di e baranca e cuebanan cu ta pertenece na e cueba di mas grandi di Aruba, Corsow y Boneiro cu ta wordo jama cueba di Bursons of Lago Colony Caves.E cueba aki tin dos hala cu ta wordo separa pa un Cavernia masha bunita net patras di un cas na Colony pa drenta tin un porta y un muraya licht berde grandi net na e Cavernia ta baha cu un trapi pa asina bai pa e cueba panort cu ta esun grandi y pazuid esun cu ta pasa bou di e casnan bandi pazuid y yega ariba e tereno unda nan kier traha e hotel sigi bai ariba y su salida ta pabou unda a traha e caminda nobo di santo mas pariba di e tereno esta na final di e baranca bandi pariba.Esunnan cu no conoce e area y e cuebanan no sa con e ta core.
Mientras e tunnel di awa Mangel Cora Well tambe ta pasa banda di dje.
Nos di Fundacion Accion Ambiental a haci investigacion (onderzoek) di e area aki y a marca cada parti di e cuebanan y tunnel di awa, unda a haña piedranan di coral di miles di aña na e sitio nos a tuma samples di esakinan pa cual nos tin nan pa prueba.Nos a saca potret di tur e cuebanan y marca cada sitio di e cuebanan via di nos GPS tambe nos a filma esakinan pa registra y archiva esakinan profesionalmente.
Tambe ariba e facebookpage di Fundacion Accion Ambiental nos a publica tur e potretnan di e cuebanan, tunnel di awa, e parhanan Shoco, Kinikini,Bula duifi asina hopi otro tipo di parhanan tambe e 5 tipo di Bushinan cu tin den e area aki tambe e matanan manera waya-ca, druif y otronan como tambe mangrovenan cora cu ta proteha mescos cu e bushinan y otro matanan y parhanan.
E Bushinan y Cuebanan mas bandi pabou bai ariba a sufri dañonan inmenso a tapa y kibra tur e cuebanan como tambe a kibra y mata hopi bushinan protehi pa ley ariba e tereno cu awordo rosa a laga hopi bushinan di diferente tipo benta tur caminda ta muri cu na e area aki so bo ta haña esaki nan.
Tristo pa mira con nan a rosa matanan proteha pa ley, cuebanan tapa y otronan destrui y na unda un di nan tabata neishi di un pareha di Shoco nos a publica tur esakinan anteriormente den tur corant y ariba nos facebookpage pidiendo gobierno pa no destrui e area aki y toch Minister di Infrastructura y Medio Ambiente Otmar Oduber a duna ordo hunto cu Gobierno di Aruba y cu ayudo di Gobernador di Aruba cu ta pro proteccion di naturalesa, mescos cu Minister Rudy Lampe y Luigi Bergen pa toch laga nan destrui e area Preserva aki toch.
Minister Rudy Lampe y Luigi Bergen durante Race Track a forma parti hunto cu nos di Fundacion Accion Ambiental den e plataforma Aruba Dushi Tera pa stop e Race Track y pa no traha nada cu por haci daño den Sero Colorado na e areanan Preserva marca ariba e mapa di Sasaki Plan 1997 na unda tambe partido MEP e tempo ey Marisol Tromp y Nilo Swan y otro miembronan di MEP a haci un caminata di protesta pa no traha hotel awe ta nan mes ta pro hotel y destruccion di e area cu tanto nan mes a protesta.Nos ta spera cu ainda nos Gobernador cu ta pro proteccion di nos naturalesa por haci algo ainda pa stop e daño grandi haci y tambe UNESCO Aruba na unda balornan natural, ecologico, historico y cultural ta nan prioridad.Ta un NGO so Fundacion Accion Ambiental y Aruban Warriors como grupo so a sali defende.Unda Stimaruba, Rainbow Warriors Int, FANAPA y otro NGOnan ambiental a keda pa defende.
Pa loke ta e area na unda e indjannan a habita tambe ta keda den peliger di wordo destrui unda esnan concerni a keda pa hunto cu nos di FAA defende e balornan historiconan aki.
Fundacion Accion Ambiental ta urgi Gobierno di Aruba y Minister di Intrastructura y Medio Ambiente pa para e destruccion na e area ariba e baranca panort di Baby Beach di inmediato paso un biaha mas no a cana e camindanan corecto y nos ta pidi DNM para tur e proceso pa sigi construi e hotel eynan y mirando e daño causa na e sitio pa para esaki completo.
Ningun momento a menciona nada di rosamento y menos di boramento cu ta extrictamente prohibi.
Den e contesta di e zienswijze ta poni cu lo no bai haci daño na e sitio y ta tene cuenta cu a parti ambiental y naturalesa esta no ta bai haci boramento of cobamento y menso e rosamento cu awordo haci.E fout di mas grandi cu awordo haci di a bai duna e inversionistanan e tereno prome cu a pasa e ROP 2019 y a pasa e ROP 2019 prome cu a contesta e zienswijze cu tampoco ta cuadra cu realidad.
Nos di Fundacion Accion Ambiental ta pidi Gobierno pa para e projecto di e hotel pa wordo construi ariba e baranca mas pronto posibel.
Atentamente,
Marcos Bislip
Fundacion Accion Ambiental