Boto cu problema cu motor a wordo getow pa Kustwacht y hiba na Waf di Barcadera

Barcadera: Diabierna den oranan laat di atardi, Piketofficier di Kustwacht Aruba a haya un melding pa bay un asistencia di un SAR-case.

Den careda di 7’or y 5 di atardi, e Metal Shark a bay direccion di  Barcadera, na yegada nan ta bin topa cu un boto yama ‘Mr. Eagle/Relax’.

E team di Metal Shark a nota cu e boto aki tabata pega riba e rif na e entrada banda di pariba di Barcadera.

Esnan a bordo a splica nan cu ela haya problema cu e motor y no por a sigui nabega.

Mesora e Metal Shark a tow e boto y a mare na e pier pabou na e waf di Barcadera.