Alan Howell, den nomber di Fraccion di POR a manda palabranan di felicitacion na tur atleta Arubiano cu a participa recientemente den e Weganan Panamericano.
Un palabra di hopi pabien y tambe di gradicimento pa e gran logro pa Aruba a bay pa e hoben Mack Van Den Eerenbeemt kende a representa nos isla den saling y pa prome biaha den historia a logra un medaya pa nos isla den e weganan Panamericano. Igualmente a bay palabranan di pabien pa Shanayah Howell, kende a logra e di 5 lugar den BMX Cycling y Feddison Flanders cu a yega semi final den BMX.
Fraccion di POR ta hopi orguyoso di cada deportista cu a representa nos isla den e weganan Panamericano y ta gradici cada un di nan pa nan esfuerso haci pa por logra yega na e tipo di competencianan deportivo aki. Alan Howell a bisa cu den Parlamento nan lo sigui lucha pa por logra e maximo sosten y ayudo pa nos deportistanan.
