Nan a coba tur caminda te hasta den frigidaire y den freezer pero no a topa cu Minguel Schneiders
Famia ta bisa cu nan no sa paradero di Miguel y cu nan tambe kier sa unda e ta, con por ta cu a dune e oportunidad di a huy? Durante e entradanan hudicial, autoridad no a logra haya nada, e recherchenan a coba te hasta den Frigidaire y Freezer pero sin resultado. Constantemente nan ta drenta na e cas di e Mama di Miguel, pero no ta topa cu nada. Ayeranochi a detene e ruman muher di Miguel, na momento cu e tabata tras di stuur bayendo su cas, esaki a sosode na Cumana. E ruman muher tampoco no sa unda su ruman homber ta. Famia tambe ta birando desespera y kier sa paradero di nan ser keri.
Cada biaha ta keda bin cerca nan y te na e momentonan aki no a detene niun persona cu a traha na e momento cu Miguel a huy. E mama ta cansa y no ta drumiendo bon paso e ta corda su yiu homber. Tambe niun dia autoridad no a tuma contacto ni cu e abogado di Miguel y mucho menos cu e mama, ta te dia cu nan a pidi e mama pa bin warda pa despues nan detene, ela tende di autoridad.
Pero ora cu Miguel a huy, ta via media ela bin haya sa cu su yiu a huy, e mama kier sa con nan por a laga su yiu huy, kiko a pasa? kiko a bay fout? E banda ey husticia ta keto, pero si cada rato ta core drenta cas di e mama of di un famia. Dicon no ta haci investigacion prome den Warda di Polis na Santa Cruz, pa mira ken a laga Miguel sali? Asina e mama a bisa Arubanative.com
Cuerpo Policial ta informa:
Awe durante dia team di recherche di Santa Cruz enconexion cu huida di e fugitivo:
Erick Arturo Minguel Junior SCHNEIDERS, roepnaam “Miguel”,
geboren op Aruba 29 december 1994, a hasi entrada hudicial na 5 diferente cas en busca di e fugitivo: 2 cas na Meiveld, 1 na Piedra Plat, 1 na Tanki Leendert y 1 na Pavia.
Articulo 2:146 ta papia di esun cu libera of juda na liberacion di un persona cu tin un castigo di prison ta castigabel cu maximo 4 aña di prison.
E team di recherche tin bon indicacionan cu e fugitivo ta na Aruba ainda y ta considere un persona sumamente peligroso.
Pa es motibo ta urgi pueblo di Aruba cu si bo por algo di su paradera of e sitio cu e ta scondiendo jama nos tiplijn 11141. Bo anonimidad ta wordo garantisa.