ORANJESTAD (22 di april 2025) – Wendy’s Aruba ta hopi contento y gradici cu tur esunnan cu a forma parti di e gran evento special cu a tuma luga diamars atardi na su restaurant na Boulevard. E ocasion tabata e gran lansamento di dos producto nobo. Tur presente tabatin oportunidad di conoce y purba e Sweet ‘N Smokey BBQ Cheeseburger y e Caramel Crunch Frosty, entre otro producto delicioso y nobo di Wendy’s.
E Sweet ‘N Smokey BBQ Cheeseburger ta un combinacion masha sabroso di beef pattie hot off the grill, keshi, smoked bacon na estilo applewood, crispy onions y un BBQ sauce cu un ingrediente secreto pa dun’e un sabor unico. Pa compañ’e tabatin e Caramel Crunch Frosty nobo, cual ta un treat dushi cu e mescla perfecto di caramel y pidanan toffee .
E lansamento tabata un fiesta pa tur sinti. Representantenan di prensa local a tuma parti, y hopi cliente fiel a reacciona positivamente na e invitacion pa pasa un atardi dibertido cu musica di nivel, facilita pa e famoso musico y productor Steve Andreas. Adicionalmente, e evento tabata un oportunidad pa mira y topa cu influencernan cu ta parti di famia di Wendy’s cu a trece nan propio estilo y energia na e ambiente.
Durante e celebracion, tur otro restaurant di Wendy’s rond di e isla tambe a uni cu hende disfrutando di e promocion special di un Caramel Crunchy Frosty GRATIS cu compra di un Sweet ‘n Smokey BBQ Cheeseburger combo. E oferta a cay den super bon tera y a yuda crea un ambiente di entusiasmo rond di e lansamento.
Wendy’s Aruba ta sumamente gradici pa e gran apoyo di nos comunidad, di nos invitadonan special, clientenan fiel, influencer y media. E lansamento di e dos productonan nobo tabata un total exito danki na boso. Nos ta invita tur hende pa sigui pasa na nos locacionnan pa sigui disfruta di e sabor autentico y innovativo cu Wendy’s so por ofrece.
Pa mas informacion, sigui nos riba rednan social of pasa na cualkier Wendy’s na Aruba.
