Papa Francisco a fayece April 21 2025, na edad di 88 anja asina Vaticano News a anuncia. Prome cu e la bira Papa, Jorge Mario Bergoglio, naci na Argentina, a haci diferente trabou, incluyendo Bouncer di un nightclub.
Apenas un dia despues di a extende e saludonan di Pasco, Papa Francisco a fayece na edad di 88 aña riba dialuna 21 di april 2025. Noticia di su morto a ser comparti pa Vatican News. “Papa Francisco a muri riba dialuna Di Pasco, 21 di april 2025, na edat di 88 aña na su residensia Na Cas Santa Marta Di Vaticano”, por a wordo lesa den un statement ariba nan website oficial.
Despues di a ser diagnostica cu pneumonia(Longontsteking) riba 18 di februari y sufri di un malesa prolonga, Papa Francisco a fayece den mainta di 21 di april. Ora e la anuncia e noticia di su morto, Cardinal Kevin Farrell, Cardinal di e Camara Apostolico, a bisa cu, segun informacion di Vatican News, ruman hombernan y ruman muhenan stima, cu profundo tristesa nos mester anuncia e morto di nos Santo Tata Francisco. Na 7’or y 35 di mainta, E Obispo di Roma, Francisco, a bolbe na cas di su Tata.
Su bida y famia prome cu e la brasa e sacerdocio y adopta e nomber di Francisco, Papa Francisco tabata yama Jorge Mario Bergoglio. E la nace riba 17 di december 1936 na Buenos aires, Argentina, y tabata e prome yui di Mario José Bergoglio y Regina Mari Sivori. Su tata Mario tabata un accountant di Italia, mientras cu su mama tabata yui di inmigrante Italiano; Jorge
Mario Bergoglio tabatin cuater ruman homber.
Dia 13 di december 1969 e la wordo ordena como sacerdote den e orden religioso Jesuíta.
Di Bouncer di discoteca te bira sacerdote. Prome cu e la bira Papa Francisco, Jorge Mario Bergoglio tabatin diferente pida pida trabou. Esaki tabata inclui: traha como bouncer di discoteca, conciërge y tecnico kimico, segun e informacionnan.
Papiando den un misa na Roma na 2013, e la recorda di tawata mop vloer, traha den un laboratorio di kimico, duna les na un scol secundario y hasta actua como bouncer di club unda cu e mester trata cu clientenan fastioso.
Sinembargo, Papa Francisco no a comparti detaye di su tempo trahando como bouncer of con e experiencianan aki a crea su liderazgo den Iglesia Catolico Romano.
Un figura di hopi prome. Papa Francisco tabata e prome Papa di America, e prome Jesuíta cu a asisti na e papado y e prome cu a adopta e nomber Francisco inspira door San Francisco di Asís, e Frere stima conoci pa su devocion na pober y oprimi.
Papa Francisco tambe tabata e prome Papa No-Europeo den siglonan, siguiendo e pasonan di e Sirio Gregorio Il, kende a dirigi E Iglesia for di 731 te cu 741.
E ultimo discurso publico di Papa Francisco tabata Pasco (20 di april 2025) un dia prome cu su morto. E la manda un mensahe Di Pasco den cual e la reitera su comentario na fabor di un stop na e guera inmediato na Gaza.
