Cerbes Chill, orguyosamente cu su partner Elite Empire Entertainment, tin e placer di anuncia e di dies edicion altamente anticipa di Flip Flop Festival, cu lo tuma luga riba diasabra, 7 di juni 2025, den Harbor Arena — un celebracion vibrante di musica Caribense, cultura, y vibracion di zomer inolvidabel.
Liderando e lineup di 2025 ta BEÉLE, e sensacion Colombiano di reggaeton cu ta subiendo, cu su hitnan global y presentacionnan carismatico a cautiva fanaticonan rond Latino America, Merca y Europa. Conoci p’e cancionnan manera “Frente al Mar”, “La Plena”, y “Mi Refe”, como tambe p’e colaboracionnan cu Maluma, Rauw Alejandro, y Farruko, BEÉLE ta poni pa duna un show inolvidabel.
Actualmente cu e cancion #1 den idioma Spaño riba Global Top 50 charts y un “following” masivo riba media social, su presencia ta marca un logro mayor den historia di e festival. Agregando n’e entusiasmo, Flip Flop 2025 lo expone algun di e presentacionnan di Soca mas viral di Caribe, Blaka Dan di Grenada, miho conoci pa su hit di energia halto “Blessings” y mas. Tambe Yung Bredda di Trinidad & Tobago, cu su himno viral “The Greatest Bend Over” a logra mas di 10 miyon view online. Tambe e ‘tour-dj’ di Karol G den aña 2023 y 2024 DJ BB Bad di Los Angeles tambe lo percura pa un show unico riba stage.
Y esey no ta tur — dos artista internacional mas, cada un di un genero diferente, lo ta anuncia den e dianan venidero, mas aleu resaltando e mision di e festival pa trece hunto zonidonan diverso y culturanan global. E streanan di cas for di Aruba tambe lo tuma e escenario central, cu presentacion di e bandanan local tan gusta Tsunami y Groove Masters, asina tambe set di energia halto di e DJnan incluyendo DJ Sky, DJ Whiteboy, y DJ Yeimy, cu mas artista cu lo revela pronto.
Bek pa demanda popular, e festival lo presenta tambe un di dos area di stage powered by Bacardi, ofreciendo e fanaticonan un experiencia inmersivo yena cu sorpresa di presentacion y activacion interactivo di e marca.
Durante e conferencia di prensa oficial, Mark Benson Denz y Laura Molina di Elite Productions & Empire a enfatisa cu e di dies edicion monumental aki lo ta uno unico y no mester perde. Jessica de Veer, den nomber di cerbes Chill y Tropical Bottling Company, a confirma cu e marcanan cu ta participa e.o Chill, Bacardi, Dussé y mas lo ofrece fanaticonan hopi chens pa gana ticket y a expresa orguyo den celebra e logro aki hunto cu e comunidad Rubiano.
Ticketnan di Early Bird a sold out prome cu e conferencia di prensa oficial mes, demostrando un confiansa fuerte di e publico den Flip Flop Festival.
Ticketnan ta awo disponibel na Citgo Boulevard, Citgo Essoville, Pay.aw y www.eliteempire.events. Prijs pa General Admission: Afl. 85, Standing VIP Section: Afl. 150. Un cantidad limita di VIP Tables (dilanti stage) ta disponibel a traves di 5693005.
Flip Flop Festival ta sigui crece den e region. E edicion di aña pasa a ricibi un cantidad notabel di persona biahando for di tur skina di Caribe, incluyendo Corsou.
Pa nos fanaticonan na Corsou, por cumpra ticket na Ticketpoint Curaçao, situa na Zeelandia.
Presenta pa: Cerbes Chill, Coca-Cola, Sprite, Bacardi, Dewar’s, Dussé, Schweppes, Elite Empire, Elite Productions, XFM 102.7 y Rayo.
