Oranjestad, 09 di april 2025, Aruba Bank ta anuncia su actualisacion nobo y conveniente pa tur su clientenan. Awor tur seguro di auto lo wordo manda digitalmente via email, eliminando e necesidad di print e seguro di auto.
E iniciativa aki ta haci e proceso mas facil, cu ta reduci e tempo di warda den nos sucursalnan y ta yuda na un medio ambiente mas sostenibel door di reduci uzo di papel. Clientenan awor por tin acceso na nan seguro di auto na cualkier momento, cualkier lugar, directamente for di nan email.
Pa sigura un transicion sin problema, nos ta recomenda tur clientenan pa verifica si nan dato di contacto, specialmente nan email, ta actualisa. Pa mas informacion, clientenan por Whatsapp nos Contact Center na 527-7777.
E transformacion digital aki ta parti di e compromiso di Aruba Bank pa continua y mehora e experiencia di nos clientenan door di solucionnan inovativo y eficiente.
