E Competencia Literario di Arte di Palabra (AdP) ta un evento cu un historia rico y un impacto profundo riba nos hubentud. E idea a nace serca sra. Ange Jessurun, kende tabata consular di Papiamento pa formacion basico na 1999 na Curaçao.
For di e prome competencia na Curaçao pa klas 1 y 2 (aña 2000) te na e expansion pa tur scol avansa, pa idioma y cultura a sigui florece. Aruba a uni na 2009, y desde e tempo ey Aruba ta firme den e mision di nutri e amor pa Papiamento y e arte di palabra na un manera creativo den nos hubentud na Aruba.
E Trayecto di AdP na Aruba, Departamento di Cultura (DCA), Grupo Corector di Papiamento, y Fundashon Lanta Papiamento (FLP) a lansa e prome edicion na 2009. Desde 2010 Grupo Corector di papiamento a bira Fundacion Corector di Papiamento y ta colabora cu DCA anualmente cu Arte di Palabra Aruba. Un momento historico ora AdP Aruba a cumpli 10 aña participando den AdP ABC, ta tin e deseo di realisa AdP Interinsular na Aruba! Asina aki e Islanan ABC a bin na un acuerdo cu cada aña AdP interinsular lo tuma lugar riba un di e islanan ABC.
E aña aki ta e di 16 aña consecutivo cu Arte di Palabra Aruba ta tene e competencia literario. Hoben nan cu gana den nan categoria lo representa Aruba na e di 25 edicion di Arte di Palabra ABC cu lo tuma lugar fin di mei 2025.
Nos tin e honor di invita pueblo di Aruba pa bin forma parti di un atardi special, unda nos hoben talentosonan lo demostra nan creatividad y habilidad den e Competencia Literario di Arte di Palabra Aruba. Tin mas o menos 25 participante den diferente categoria cu lo briya cu poesia, storia y RAP existente y original.
Partcipantenan ta cla pa lanta nan bos y capta nos curason cu palabranan poderoso.
Dia: 5 di april 2025
Hora: 5:00 PM – 8:00 PM
Porta ta habri: 04:30 PM
Luga: Cas di Cultura
Entrada: Bo presencia cu un sonrisa
Bin Apoya Nos Hubentud den e competencia Literario di Arte di Palabra Aruba 2025!
