ORANJESTAD – Rotary Club of Aruba kier expresa su mas profundo gradicimento na tur cu a haci posibel e exito di Fiesta Rotaria 2025 diadomingo ultimo na parkinglot di Stadion Guillermo Prospero Trinidad. Un biaha mas, e evento tabata yena di energia, alegria, entretenimento y un bon spirito comunitario, treciendo hunto persona di tur edad pa disfruta di un dia special.
Ademas di ofrece un experiencia inolvidabel cu dushi cuminda, musica y actividad, Fiesta Rotaria 2025 a yuda recauda fondo pa proyectonan comunitario importante cu lo beneficia Aruba den transcurso di e aña nos dilanti.
Un di e momentonan mas spera ta, sin duda, e gran rifa di Fiesta Rotaria, cu premionan espectacular pa tur ganado. Danki na tur cu a participa pa nan contribucion y pabien na tur cu a resulta ganado. E resultado oficial ta:
Resultado di e Rifa
- KIA Seltos 2025 – Ticket #03701
- Pasashi ida y buelta Aruba-Amsterdam-Aruba (KLM) – Ticket #06518
- iPhone 16, 128 GB (Boolchand’s) – Ticket #13098
- Afl. 1500,- Certificado di regalo (Kooyman) – Ticket #01508
- Afl. 1500,- Certificado di regalo (Boolchand’s) – Ticket #14576
- Afl. 1000,- Certificado di regalo (Ling & Sons) – Ticket #09323
- Afl. 1000,- Certificado di regalo (AMC Unicon) – Ticket #03461
- Estadia di fin di siman pa 2 persona (Divi Resort Aruba) – Ticket #00662
- Estadia di fin di siman pa 2 persona (Casa del Mar) – Ticket #15622
- Afl. 500,- Certificado di regalo (De Wit & Van Dorp) – Ticket #13230
- Cadena y hanger di Maison Ryon – Ticket #13181
- Afls 500,- Certificado di Regalo di Lucky Store – Ticket #02250
- Afls 250,- Certificado di Regalo di Wine & Dine – Ticket #05503
- 6 Premio di Afls 500 Cash – Ticketnan: #10169, #05043, #07373, #11139, #14609 y #09912.
Rotary Club of Aruba kier duna su mas sincero gradicimento na tur patrocinado, cu nan apoyo generoso a haci e evento aki posibel. Di mesun forma un danki special na tur miembro di Rotary Club of Aruba, Interact Clubs di De Schakel College, Colegio Arubano y International School of Aruba, Rotaract Club of Aruba, boluntarionan, cu nan esfuerso y dedicacion tabata esencial. Naturalmente tambe na cada persona cu a asisti na Fiesta Rotaria, cu a cumpra, come, bebe y disfruta. Nos ta sumamente gradici. Danki na boso sosten, Rotary Club of Aruba lo sigui cu su mision di sirbi comunidad y genera un impacto positivo.
Nos ta topa proximo aña pa otro edicion espectacular di Fiesta Rotaria! Danki Aruba!
