Home » Un frente di Reino contra criminalidad transnashonal: autoridadnan di ley ta uni forza den War Room

Un frente di Reino contra criminalidad transnashonal: autoridadnan di ley ta uni forza den War Room

by Admin
0 comments 65 views

 

 

ORANJESTAD/WILLEMSTAD – Den un situacion único, funshonario di tur cinco cuerpo policial den Reino di Hulanda a reuni na Kòrsou pa e proyecto piloto War Room Estrategia di Reino. E iniciativa tambe ta inkluí participacion di e Recherche Samenwerkingsteam (RST), e Koninklijke Marechaussee (KMar), i e Guardia di Costa di Caribe Hulandes (KWCARIB). E paso importante aki ta dirigi pa fortifica e cooperacion entre autoridadnan di ley pa combati criminalidad transnashonal i criminalidad ku ta mina nos sociedad.

 

E War Room ta bou di liderato di e coordinator di e Platforma di Coordinacion di Informacion Interinsular (IICP); lo cual ta un cooperacion structural entre e organisacionnan partisipante y Ministerio Público (OM), enfoká riba maneho i intercambio di informacion. E coordinator ta haya sosten di e oficial di enlace di Polisia Nacional Hulandes i di coordinator di coordinacion di Informacion Caribe Hulandes (ICC-NL).

 

E termino war room ta bini di mundo militar, referiendo na un espasio central pa desaroya estrategia i coordina operacionnan. Durante e dos siman di e pilot – di 31 di maart te 11 di april 2025 – analista i experto den informacion lo traha intensamente hunto pa identifica i analiza red criminal ku ta aktivo den mas cu un pais den e Reino. E productonan di informacion ku ta sali for di e colaboracion aki por sirbi como base pa investigacion penal of otro tipo di intervencion. E proyecto piloto ta sirbi tambe como entrenamiento practico pa e analistanan nobo den cuerpo policialnan Caribeño i RST.

 

Na nomber di e Colegio di Hefenan di Polis, e War Room a wordo habri oficialmente pa Hefe Polisial di Corsou, Raymond Ellis, hunto cu Ans Rietstra, Hefe di RST. Segun Ellis, e iniciativa aki “ta un fase nobo den cooperacion den Reino.” Segun e Hefe di Polis: “No ta un koinsidensia cu nos a eligi pa traha den un War Room. E lucha contra criminalidad organisá ta parce un guera moderno. E lucha ta tuma luga den haf, aeropuerto, riba kaya i tambe riba internet. Nos oponentenan ta bon organisá, ta colaborá sin problema pafo di frontera, ta usa teknologia sofistica i tin un fuerte posicion di informacion. Esaki ta nifica cu nos tambe mester organisá nos mes mihó, traha hunto sin limitacion i fortifica nos mes posicion di informacion.” E Hefe di RST a expresa su aprecio i sosten pa e proyecto, i a bisa cu e tin konfiansa cu e War Room lo trese resultadonan útil i importante.

 

E iniciativa aki ta demostra cu e instancianan di mantenshon di ley den henter Reino no solamente tin e deseo pa combati criminalidad organisá, pero tambe ta pone deseo aki den accion konkreto. E no ta solamente un pilot: e ta un señal fuerte di union, demonstrando urgencia den e lucha contra criminalidad ku ta mina nos sistema. Ta spera cu e metodo ku ta wordo desaroya durante e simannan aki, lo sirbi como base pa un cooperacion duradero i struktural den futuro.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @ 2023 – 2025 Aruba Native All Right Reserved. Powered by 139 Design Studio Aruba