Willemstad, Còrsou – [Fecha] – E luna aki, líder den e tereno di conservashon marítimo di region Caribense a reuní na Còrsou pa un tayer intensivo riba solusionnan di finansiamento sostenibel pa área protehá. E evento di 3 dia, organisá entre Blue Marine Foundation, Blue Nature Alliance i Dutch Caribbean Nature Alliance (DCNA), a uni managers di parkenan marítimo i profesionalnan di conservacion for di dies isla Caribense.
Representantenan di tur seis isla di Hulanda Caribense a tuma parti hunto cu delegadonan di St. Vincent i Grenadines, Barbados, República Dominicana i St. Kitts & Nevis. Durante e tayer tabatin sesion di colaboracion, presentacion di eksperto i planificacion stratégico pa enfrentá e desafíonan grandi di finansiamento cu ta challenge e esfuersonan di conservashon marítimo den e region.
Participantenan a haya informashon riba mekanismonan diverso di finansiamento, basá riba casonan den region i global cu por sirbi como modelo pa e ekosistema marítimo único cu ta e ekosistema di Caribe. A enfoká riba oportunidatnan i colaboracion, mostrando con cambio intensional por crea un efecto domino den esfuersonan di conservashon.
“E evento aki tabata hopi motivador,” segun Clare Brook, CEO di Blue Marine. “Dies isla Caribense a bini hunto pa compartí nan desafionan i preocupacionnan, especialmente falta grandi di finansiamento i kapasidat pa e trabou vital di conservacion den e region. Nos a sali cu un sortido di solushonnan creativo i innovativo cu tin e potencial pa hinca finansiamento significant pa protekshon marítimo den e region. Den nos esfuerso conjunto pa protehá 30% di e laman pa 2030, Laman Caribense ta bira e ‘Laman di Speransa!'”
E iniciativa “30 pa 30″ ta representá un kompromiso global pa protehá minimalmente 30% di e laman mundial pa 2030. E meta ambisioso aki ta trata pa protehá biodiversidat marítimo, reforzá resistencia di ekosistema contra kambio climático i garantizá medio di bida sostenibel pa comunidatnan na costa. “Cambio significativo ta pasa ora cu nos tende, traha hunto i pone e hende cu conoce e medioambiente mihor na e centro. Na Blue Nature Alliance, nos ta kere cu financiamiento pa conservacion ta un factor esencial, cu mester suportá prioridatnan dirigí pa islanan i amplia solucionnan regional. E desicionnan cu nos ta tuma awor ta importa, pa e laman i pa tur comunidad cu ta depende di dje,” Sarah Elsaid, Lider Regional, Blue Nature Alliance, a bisa.
“Dutch Caribbean Nature Alliance ta kere firmemente cu colaboracion regional ta e clave pa un finansiamento sostenibel pa conservacion,” segun Arno Verhoeven, direktor di DCNA. “E tayer aki a duna un bista crucial riba e diversidat di strategianan di conservacion cu ta ser implementá na e islanan Caribense. Dor di aliniá nos esfuersonan, nos a tuma un promé paso importante pa desaroyá mekanismonan di finansiamento mas fuerte. Nos ekosistema marítimo compartí ta eksigí solushonnan compartí.”
E tayer a tabata un oportunidat balioso pa paisnan participante di compartí nan experiencia, selebrá e exitonan den conservacion i desaroyá strategianan hunto pa vence desafionan compartí. Participantenan a sali cu plan concreto pa implementá mecanismonan di finansiamento sostenibel adaptá na nan ecosistema i contexto economico.
Tokante e organisadornan:
- Blue Marine Foundation ta un organisashon benéfico di conservacion marítimo na Reino Unido cu a ser establecí na 2010 pa un parti di e ekipo tras di e dokumental galardoná ‘The End of the Line’. Blue Marine ta dedicá na enfrentá sobrepesca, un di e problemanan ambiental mas grandi di mundo, i tin como mision restaurá salud di laman dor di protehé i restaurá e medio ambiente marítimo. Su mision ta pa garantizá proteccion efisiente di minimo 30% di e laman pa 2030 i maneho sostenibel di henter laman.
- Blue Nature Alliance ta un iniciativa global ambicioso cu ta traha pa acelerá e ritmo, escala i efectividat di proteccion di 5% di e laman mundial, òf 18M km², pa 2027, dor di colaboracion i innovacion dirigí pa su partnernan.
- Dutch Caribbean Nature Alliance ta e netwerk regional di área protehá i organisacionnan di conservashon riba e islanan Hulanda Caribense: Aruba, Boneiro, Kòrsou, Saba, Sint Eustatius i Sint Maarten.
