Home » DEN LUNA DI APRIL, BAN HUNTO RECONFIRMA NOS COMPROMISO DI TRAHA HUNTO PA PROTEHA NOS MUCHANAN CONTRA TUR TIPO DI ABUSO

DEN LUNA DI APRIL, BAN HUNTO RECONFIRMA NOS COMPROMISO DI TRAHA HUNTO PA PROTEHA NOS MUCHANAN CONTRA TUR TIPO DI ABUSO

by Admin
0 comments 75 views

 

 

ORANJESTAD – Gobierno di Aruba a decreta luna di April como luna nacional contra abuso di mucha. E ta ancra den un decreto pa asina permanentemente tur aña den luna di April dedica y aumenta conscientisacion contra abuso di nos muchanan. Den e cuadro aki, Gobierno di Aruba ta extende un invitacion na tur instituto, specialmente departamentonan di Gobierno pa durante e luna di April, dedica na e tema importante aki. 

Prome Minister Evelyn Wever-Croes a expresa cu ta hopi importante pa durante e luna aki papia y comparti informacion di e tema aki lo mas posibel, pa asina aumenta conscientisacion cu abuso contra nos muchanan no ta aceptabel. 

Durante gobernacion di Gabinete Wever-Croes I y II, a tuma varios decision riba proteccion di nos muchanan. Desde Juli 2020 a aumenta e castigo di delito sexual contra nos muchanan, a bin cu un codigo di proteccion pa asina tur profesional por traha na un forma uniforme y pa tur informacion di e mucha ta central un caminda. Tambe Gobierno a traha riba empoderamento di varios departamento manera Bureau Sostenemi, Family Justice Center y otronan, pa asina profesionalnan ta bon ekipa pa por proteha nos muchanan. 

Lamentablemente datos nan ta indica cu ora ta trata di abuso sexual di mucha, mas di 99% di e casonan ta un persona serca di e mucha. P’esey ta importante pa mas y mas papia cu e muchanan, scucha nan y pone atencion.

“E muchanan ta wak den nos adultonan cu tey pa protehe, defende y duna nan amor y cariño. Ban hunto den luna di April reconfirma nos compromiso di traha hunto pa proteha nos muchanan contra tur tipo di abuso” Prome Minister a expresa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @ 2023 – 2025 Aruba Native All Right Reserved. Powered by 139 Design Studio Aruba