Oranjestad, Aruba – Plan di Mayor, e iniciativa na Aruba pa duna sosten pa mucha y famianan cu ta pasa den un separacion of divorcio, ta sigui crece su impacto via programanan den scol, colaboracion cu institucion legal, y un yamada pa mayornan pa participa.
Programa KIES a finalisa cu exito na Colegio San Antonio
Plan di Mayor a completa un serie di sesion exitoso di programa KIES na Colegio San Antonio. E programa ta yuda mucha pa expresa nan sentimentonan den un ambiente sigur y comprensivo mientras nan ta pasa cambio den e situacion familiar. E resultado ta uno hopi positivo pa henter e scol, y alumnonan mes.
Scol Practico pa Ofishi Brazil
Despues di e exito na Colegio San Antonio, Plan di Mayor ta preparando pa implementa e programa KIES na SPO, pa mas mucha por haña apoyo emocional durante cambio familiar importante.
Encuentro productivo ku Gerecht di Prome Instancia (GEA)
Dia 13 di maart, Plan di Mayor a tene un reunion ku hues y personal di Gerecht in Eerste Aanleg, pa busca mas colaboracion den casonan cu tin parti legal y emocional. Resultado importante:
- Miho comunicacion entre Plan di Mayor y Gerecht den casonan cu ta activo den tur dos sistema.
- Mas enfoke riba manera pa inclui opinion di e mucha den e plan di crianza (ouderschapsplan).
- Preocupacion comparti riba calidad di plan di crianza y su impacto real.
- Posibilidad pa tene reunion futuro ku profesional legalnan, incluso e Deken di Abogadonan.
E paso aki ta pone e fundamento pa un manera mas integral pa yuda famianan den tur aspecto – legal, emocional y di desaroyo di e mucha.
Yamada pa mayornan: Bo no ta bo so
Plan di Mayor ta invita tur mayornan separa of divorcia pa registra y explora e posibilidadnan di apoyo pa nan mes y pa nan yiu. Bo por haña guia pa move pa dilanti manera famia.
Pa mas informacion of pa registra, por tuma contacto ku Plan di Mayor via
email : [email protected]
Via nos website www.plandimayor.org
