Nos Dia Di Himno y Bandera, nos dia nacional, ta un momento cu ta permiti nos pa reflexiona riba nos identidad. Kico e ta nifica pa forma parti di un isla cu ta yena cu historia, cultura y diversidad. Como Minister di Finansa y Cultura e ta un honor pa mi, pa mi dirigi mi mes na boso.
Cultura nos no ta expresa solamente atraves di nos tradicion, musica y baile, sino cultura ta e esencia di nos identidad. Cultura ta bibo y e ta biba den cada hogar.
Cultura ta dinamico y e ta evoluciona. Cultura ta nos historia. E ta bisa hopi di ken nos ta. Mira rond di nos. Un plaza Betico Croes completamente yen, rondona pa tentnan cu cuminda crioyo, cu artesania, cuadra di nos artistanan, nos boca dushinan y tur locual ta di nos.
Mi ta despedi como Minister di Finansa y Cultura cu un curason satisfecho. Nos a logra cu e asistencia na nos actividadnan cultural a redobla y esey ta bal oro.
Mi kier invita boso pa keda biba nos cultura na un manera activo. Bishita nos festivalnan, nos centronan di bario, apoya nos artistanan local y balora nos historia cu ta wordo transmiti di generacion pa generacion.
Sigui ta e embahadornan di nos herencia cultural. Siña nos yuinan ken nos ta y di unda nos ta bin. Laga nan sinti nan mes orguyoso y bira embahadornan di nos herencia cultural.
Biba Aruba, biba nos identidad.
Felis Dia di Himno y Bandera
