Proyecto presenta pa Departamento di Cultura Aruba, auspicia pa Ministerio di Cultura Aruba
Diahubs 27 di maart 2025 na Cas di Cultura Aruba cuminsando pa 7:00pm te cu 10:00pm, cu entrada completamente gratis, Aruba y amantenan di teatro y arte en general, lo tin un compromiso pa celebra hunto e Dia Mundial di Teatro.
Actividad di celebracion lo cuminsa cu e acto protocolar cu lectura di e Mensahe Mundial di teatro declara pa UNESCO di e autor Theodoros Terzopoulos, cu’n adaptacion di e poeta local: Marilis Becker y cu baile representativo di e maestra: Adriana Cereste di Empower Arts Aruba, acompaña pa e maestro Johnny Scharbaay.
Lo continua cu presentacion di e obra “Shadows of The Past” presenta pa Creative Arts Aruba & Creators Films dirigi pa Charles Croes y Ronney Dotel cu participacion di actornan: Mateo Lopez, Yona Heyliger, Dayenne Croes, Cassi Torres, Jean Milo Croes, Lupita Bernabela, Daniel Caceres, Sebastian Torres Gaffer, Amalia Campos, Gideon Testing.
Finalmente lo tin entrega di Premio y Reconocementonan Nacional di Teatro 2025 na unda lo duna honor na un organisacion cu den pasado a contribui grandemente pa cu e desaroyo di teatro na Aruba y tambe lo duna un homenahe postumo na un persona clave den nos comunidad cu a laga atras un obra masha impresionante mes y tras di esaki e Prome Premio Literario di teatro 2025 y reconocemento special na 15 actor cu a destaca grandemente den diferente produccion local.
Durante di e anochi aki di celebracion lo tin participacion di Mirto Lacle como maestro di ceremonia.
Pa loke ta trata e parti visual lo tin participacion di Teun Mulder y e maestro Gearmille Geerman, cu asistencia di sra. Morgan Arrindell y como Artista Invitado Special nos lo conta cu presentacion di e Prome Ganado Absoluto di Festival Un Canto pa Aruba su Himno y Bandera den e categoria Tipico di Antaño, esta sra. Raquel E.Lampe.
Busca bo carchi di etrada y sigura boso participacion activa y protagonicamente.
