Oranjestad, Aruba, 20 di maart, 2025: Aruba Bank ta contento di anuncia su colaboracion mas reciente, Sentoo.me y su integracion den e Aruba Bank App. Sentoo.me ta un manera innovativo, facil y sigur pa pidi y ricibi placa for di un otro persona, of sea pa pagonan peer-to-peer, directamente y inmediatamente.
Clientenan di Aruba Bank por link nan cuenta bancario directamente cu e aplicacion (App) di Sentoo.me, facilitando e proceso pa pidi y ricibi placa den un manera simpel sin e nesesidad di yena manualmente informacion di cuenta bancario, of otro detayes di cliente.
Si bo kier cobra un amigo, colega of familiar, Sentoo.me ta ofrece un solucion facil y sigur.
Simplemente manda e otro persona un link di pago cu ta contene e instruccion pa ricibi un pago pa un compra cu abo a cubri. Sentoo.me ta segura cu bo ricibi bo placa bek di un forma facil y sigur.
Cuminsa uza e App di Sentoo.me den 4 paso facil:
- Download e aplicacion di Sentoo.me den bo app store preferi.
- Sigui e pasonan facil y lihe, pa activa bo cuenta, y link esaki na bo number di telefon.
- Link Sentoo.me na bo cuenta bancario di Aruba Bank, keda pendiente pa un deposito di 0.01 cen riba bo cuenta bancario di Aruba Bank, cu lo contene un “code di activacion” pa bo por caba di link bo Aruba Bank Account na Sentoo.me.
- Unabes bo ricibi un confirmacion cu bo Sentoo.me App ta linked na bo cuenta bancario, bo por cuminsa manda peticion di pago mesora!
“Na Aruba Bank, nos ta dedica na simplifica e experiencia di nos clientenan. E intregracion di Aruba Bank App cu Sentoo.me, ta un manera mas con nos kier trece solucion cu realmente lo beneficia e cliente, e tecnologia lo haci e bida di nos clientenan mas facil, den un forma sigur, rapido y conveniente”, segun Edseline Leer-Semeleer, ‘Head of Retail Banking” na Aruba Bank.
Download e App di Sentoo.me awe mes, y cuminsa experiencia e conveniencia di pidi pagonan bek sin atraso y sin berguensa. Pa mas informacion, bishita www.arubabank.com/sentoo-me
