Dos ocupante a sali core bay despues cu auto a bolter

Tanki Leendert – Diamars anochi polis a wordo manda Tanki Leendert, unda cu Hyundai Veracruz a bolter ariba un caminda keto parti paden.

Segun nos a compronde, un ciudadano lo a bin topa e accidente y manera tur hende lo a haci a baha pa yuda. Parse cu e ora ey, dos persona den e auto a habri porta y core bay di e sitio.

Polisnan cu a yega a cuminsa tira bista rond, pa mira si ta bin topa cu e duo aki. No ta conoci si nan a resulta herida of kiko ta e motibo cu nan a core bay laga e auto.

Polis tin e number di e auto y asina nan lo por trace e donjo.