Arubianonan, activa memorianan graba; mentenan, nabega manera boto riba lama crusando cu trankilidad
bay te den profundidad di tur ocean di posibilidad; realisa intensidad di recuerdonan warda
Almanan liber, no limita; lag’e pensamentonan balanza flota riba superficie te na canto di lama
olanan, hib’e memorianan descansa den e barancanan; spierta, suspira, bin bek na realidad
Yiunan di tera, manifesta; activa identidad; habri halanan hancho bula bay, enfrenta forsa di gravedad
no tene miedo, libera; alcansa solemnidad; conkista inmensidad di universo halto aya den shelo cla
Biento, refresca, manda aire purifica; rosea di cunucu, perfuma sentidonan cu fragancia y sensibilidad
curasonnan, inspira, bati duro, acelera; mustra pasion den compas, calor y stimacion pa nos luga
Arubianonan, activa, habri wowonan spiritual; laganan contempla creacion terenal di nos Tata celestial
miradanan, proyecta, refleha divinidad; admira y aprecia maraviyanan natural di nos isla tropical
Solo, ilumina, manda luz di eternidad; rayonan, intensifica color di nos cueronan bon tatua
sernan namora di nos cuna maternal, mustra sinceridad; festeha y venera nos patria inmortal
Yiunan di tera, comunica, laga Papiamento domina; bocanan, proclama palabranan di puresa y bondad
poetanan, expresa; laga frase y versonan destaca; poemanan dedica cu honor y atributo na integridad
Musica crioyo, resona, tumba, danza, mazurka, wals; celebra autenticidad, brasa cultura sin igual
reconoce loke bo ta, activa y conecta; eleva sintimento di orguyo patriotico cu humildad
Arubianonan, exalta, herencia ancestral; lag’e sanger di indjan core den nos benanan cu creatividad
recupera generosidad, cortesia y cordialidad; pinta riba caranan sonrisanan di simpatia y amabilidad
Balora rikesa hereda, keda integra, activa trato igual; respeta diversidad bibando den unidad
tera, sigui draai, nos no por cay atras; pensa riba mañan, avanza buscando prosperidad
Casnan di torto, activa, resalta arkitectura monumental; laga mundo realisa boso grandesa y potencial
historia revela, lucha y tempo sacrifica; pa finalmente alcansa fruta y logronan tan anhela
Piscadonan, enfrenta, turbulencia y tempestad, tuma dominio di lama; bendiciona muchila, boto y taray
cunukeronan, labora, den higr’i solo cultiva; planta y cosecha riba suela cu felicidad
Arubianonan, practica, fieldad y lealtad; duna un man na bo ruman cu ta den necesidad
faronan, lusa cla, camindanan pa bay cas; pasonan, sigura pa lastronan keda atras bon marca
Bandera, waya bay, cu strea ilumina; manda briyo y claridad pa nos baranca tan stima
himno, entona, laga nos recorda; cu Dios por guia y conserva su amor pa libertad
Autor: Jhon Freddy Tobón Montoya
Competencia Literario Poeta di Patria
Aruba 7 maart 2025
Activa
Arubianonan, activa memorianan graba; mentenan, nabega manera boto riba lama crusando cu trankilidad 13
bay te den profundidad di tur ocean di posibilidad; realisa intensidad di recuerdonan warda 14
Almanan liber no limita; lagu’e pensamentonan balanza flota riba superficie te na canto di lama 15
olanan, hib’e memorianan descansa den e barancanan; spierta, suspira, bin bek na realidad 13
Yiunan di tera, manifesta; activa identidad; habri halanan hancho bula bay, enfrenta forsa di gravedad 15
no tene miedo, libera; alcansa solemnidad; conkista inmensidad di universo halto aya den shelo cla 15
Biento, refresca, manda aire purifica; rosea di cunucu, perfuma sentidonan cu fragancia y sensibilidad 14
curasonnan, inspira, bati duro, acelera; mustra pasion den compas, calor y stimacion pa nos luga 15
Arubianonan, activa, habri wowonan spiritual; laganan contempla creacion terenal di nos Tata celestial 13
miradanan, proyecta, refleha divinidad; admira y aprecia maraviyanan natural di nos isla tropical 13
Solo, ilumina, manda luz di eternidad; rayonan, intensifica color di nos cueronan bon tatua 14
sernan namora di nos cuna maternal, mustra sinceridad; festeha y venera nos patria inmortal 14
Yiunan di tera, comunica, laga Papiamento domina; bocanan proclama palabranan di puresa y bondad 14
poetanan, expresa, laga frase y versonan destaca; poemanan dedica na honor y atributo na integridad 15
Musica crioyo, resona, tumba, danza, mazurka, wals; celebra autenticidad, brasa cultura sin igual 13
reconoce loke bo ta, activa y conecta; eleva sintimento di orguyo patriotico cu humildad 14
Arubianonan, exalta, herencia ancestral; lag’e sanger di indjan core den nos benanan cu creatividad 14
recupera generosidad, cortesia y cordialidad; pinta riba caranan sonrisanan di simpatia y amabilidad 13
Balora rikesa hereda, keda integra, activa trato igual; respeta diversidad bibando den unidad 13
tera, sigui draai, nos no por cay atras; pensa riba mañan, avanza buscando prosperidad 14
Casnan di torto, activa, resalta arkitectura monumental; laga mundo realisa boso grandesa y potencial 14
historia revela, lucha y tempo sacrifica; pa finalmente alcansa fruta y logronan tan anhela 14
Piscadonan, enfrenta, turbulencia y tempestad, tuma dominio di lama; bendiciona muchila, boto y taray 14
cunukeronan, labora, den higr’i solo cultiva; planta y cosecha riba suela cu felicidad 13
Arubianonan, practica, fieldad y lealtad; duna un man na bo ruman cu ta den necesidad 15
faronan, lusa cla, camindanan pa bay cas; pasonan sigura pa lastronan keda atras bon marca 15
Bandera, waya bay, cu strea ilumina; manda briyo y claridad pa nos baranca tan stima 15
himno, entona, laga nos recorda; cu Dios por guia y conserva su amor pa libertad 15
Autor: Jhon Freddy Tobón Montoya.
Competencia Literario Poeta di Patria.
Aruba, 7 maart 2025.
Analisis di e poema:
Titulo: Activa.
“Activa” ta un palabra cu ta duna bida, duna funcion of accion, na algun idea, obheto, pensamento, elemento of sentido.
Den e caso aki a ser uza e palabra “activa” pa duna comando na cada idea, concepto, obheto, pensamento, elemento of sentido cu mi a describi den cada strofa, linea y verso.
Ta un sin fin di elemento cu mi a trece dilanti y cu mi ta desea pa activa den nos comunidad cu tur forsa y determinacion, pa nos activa y no lubida cada un su funcion y bienestar cu cada un ta brinda nos; cu e fin pa nos ta mas consciente di nan balor y mantenenan semper bibo y presente tur dia den nos bida diario.
Tin un parti di pensamento, memoria y recuerdo cu ta keda expresa den forma di fantasia y of soño cu e intension pa laga e lector bay den un biahe y finalmente enfrenta cu realidad.
Cada idea, obheto, pensamento, elemento of sentido.tin un activacion y e poema ta expresa cu claridad kico kier activa di e obheto, elemento of sentido, pa por abstrae e parti mas resaltante di cada un di e obheto, elemento of sentido, pa trece dilanti y cu claridad e mensahe cu mi kier expresa den cada linea, cu por genera un impacto of activacion positivo pa cu nos como Arubiano, nos comunidad, nos mesun ser humano y un proyeccion na mundo.
Tipo di letra: Arial Narrow. Tamaño: 12
Poema inspira den e metrica y compas di wals.
Cada linea ta crea un melodia marca den ¾.
Cu esaki mi kier mantene mi estilo y haci esaki uno propio, cu despues mi por uza pa crea melodianan infinito den ritmo di wals y un sin fin di fuentenan pa futuro cancionnan.
Rima cu palabra “Activa” uza den e poema.
Graba, nabega, lama, trankilidad, profundidad, posibilidad, realisa, intensidad, warda
limita, balanza, lama, descansa, suspira, realidad, manifesta, identidad, bay, enfrenta, gravedad,
libera, alcansa, solemnidad, conkista, inmensidad, aya, cla, refresca, purifica, perfuma, sensibilidad,
inspira, acelera, compas, luga, spiritual, contempla, terenal, celestial, proyecta, refleha, divinidad, admira, aprecia, natural, tropical, ilumina, eternidad, intensifica, tatua, namora, maternal, sinceridad, festeha, venera, inmortal, comunica, domina, proclama, bondad, expresa, destaca, dedica, integridad, resona, wals, celebra, autenticidad, igual, ta, conecta, eleva, humildad, exalta, ancestral, indjan, creatividad, generosidad, cordialidad, amabilidad, balora, hereda, integra, igual, respeta, diversidad, unidad, atras, mañan, avanza, prosperidad, resalta, monumental, realisa, potencial, revela, sacrifica, alcansa, anhela, enfrenta, tempestad, bendiciona, taray, labora, cultiva, cosecha, felicidad, practica, fieldad, lealtad, necesidad, cla, cas, sigura, atras, marca, bay, ilumina, claridad, stima, entona, recorda, conserva, libertad.
Algun concepto, idea, imagen, obheto, elemento of sentido activa den e poema.
Arubianonan, yiunan di tera, mentenan, recuerdonan, Almanan, pensamentonan, olanan, memorianan, barancanan, yiunan di tera, identidad, gravedad, universo, shelo, biento, aire, rosea, cunucu, sentidonan, fragancia, sensibilidad, curasonnan, calor stimacion, wowonan, creacion, miradanan, solo, rayonan, cueronan, sernan, patria, Papiamento, bocanan, poetanan, poemanan, musicam autenticidad, cultura, sintimento, herencia,sanger, benanan, creatividad, tera, casnan di torto, arquitectura, historia, piscadonan, lama, cunukeronan, faronan, bandera, strea, himno, Dios, libertad.
Gerundionan uza: Crusando, bibando, buscando.
Structura matematico:
1 verso:
Prome linea 13, di 2 linea 14, di e linea 15, di 4 linea 13
2 verso:
Prome linea 15, di 2 linea 15, di e linea 14, di 4 linea 15
3 verso:
Prome linea 13, di 2 linea 13, di e linea 14, di 4 linea 14
4 verso:
Prome linea 14, di 2 linea 15, di e linea 13, di 4 linea 14
5 verso:
Prome linea 14, di 2 linea 13, di e linea 13, di 4 linea 14
6 verso:
Prome linea 14, di 2 linea 14, di e linea 14, di 4 linea 13
7 verso:
Prome linea 15, di 2 linea 15, di e linea 15, di 4 linea 15.
Mi a haci uzo di coma y tambe di diferente punto y coma pa yuda cu e lectura y crea un conexion di ideanan y pensamento, crear unidad, yuda cu e complehidad di pensamento, etc.
E poema aki mi lo declam’e e anochi di competencia cu uzo di un melodia cu mi mes a crea pa enfatisa e estilo cu delaster añanan ta identifica mi y cu mi ta uzando como algo propio.
Mi lo manda e grabacion di e melodia den un proximo mail, e studio di grabacion no a logra finalisa esaki door di tanto compromiso cu carnaval sigui cu areglonan pa Festival un canto pa Aruba su himno y bandera.
Hopi exito na e team organisador y hopi bendicion na tur participante.
Masha danki pa e grandioso oportunidad.
Mi ta aprecia.
