Paradera – Diadomingo marduga algo pasa di 4’or y mey polis a bay altura di ex Pacifico bar restaurant, unda a sosode un accidente di auto.
Un di e autonan cu ta un Altezza tawata esun cu a ranca e palo di luz, lagando un area den vecindario sin coriente.
Mas o menos 100 meter mas leu bo tawata mira e otro vehiculo cu ta un Hyundai.
Na e sitio nos a compronde cu e impacto lo tawata mas o menos den e bocht, unda cu e Altezza lo a hala na e banda link, dal contra e Hyundai pone spin pa despues sigui bay y dal e palo di luz kibra y cay ariba e auto.
Esaki lo a sosode ariba un velocidad basta halto, mirando con e la kibra e palo di luz bentando tur hopi waya ariba caminda.
ELMAR mester a presenta pa mira kiko tur mester a bay haci y asina reestablece e coriente bek.
