Home » ELMAR San Nicolas Ta Cera Temporalmente pa Renobacion – Introduciendo un Era Nobo di Servicio na Cliente

ELMAR San Nicolas Ta Cera Temporalmente pa Renobacion – Introduciendo un Era Nobo di Servicio na Cliente

by Admin
0 comments 70 views

 

Oranjestad, 18 di februari 2025 – ELMAR ta anuncia cu su sucursal na San Nicolas lo pasa den un renobacion grandi pa mehora e experiencia di servicio na cliente. E sucursal lo ta cera temporalmente mientras nan ta crea un espacio modernisa cu ta diseña pa sirbi nan clientenan mihor. Diabierna, 21 di februari 2025, ta ultimo dia di servicio di e sucursal di San Nicolas prome cu e ciere temporal.

Como parti di ELMAR su compromiso cu conveniencia, nan lo introduci un kiosko nobo di Self-Service na e parti p’afo di e edificio, cu lo permiti clientenan pa paga nan facturanan 24/7. E sucursal renoba na San Nicolas lo sirbi como e modelo pa tur otro sucursalnan di ELMAR den futuro, estableciendo un nivel nobo di eficiencia y accesibilidad. 

Adicionalmente, e transformacion aki ta un paso importante pa e regreso di ELMAR su ekipo tecnico bek na San Nicolas, fortaleciendo nan capacidadnan di servicio den e area.

Den preparacion pa e transicion aki, ELMAR a tene dos Town Hall Meeting pa informa e comunidad di San Nicolas tocante e renobacionnan binidero. Durante e encuentro, e gerencia di ELMAR a comparti informacion tocante e renobacion di e sucursal y cambionan importante cu ta forma parti di e proyecto. E comunidad di San Nicolas a demostra un bon bini caluroso y un interes grandi den e proyectonan. ELMAR ta compromete pa sigui inverti den e comunidad di San Nicolas, cu enfoke riba mehoracion di servicio y desaroyo pa beneficio di tur hende.

Durante e periodo di renobacion, cliente por ricibi servicio:

  • Pago di factura na HBK San Nicolas y MFA Savaneta
  • Pago di factura na WEB Balashi
  • Tur servicio na ELMAR Oranjestad of Hato
  • Servicio di peticion pa instala meter via Contact Center na 523-7100
  • Customer Service via email na [email protected]
  • Pago online: Online Bill Payments, Pay.Aw app, Standing orders

ELMAR ta aprecia e pasenshi y apoyo mientras nos ta traha pa trece un experiencia mas eficiente y amigabel na San Nicolas. Keda pendiente pa mas informacion na momento di e gran re-lansamento di ELMAR su sucursal renoba!

Pa mas informacion, por tuma contacto cu ELMAR na 523-7100 of bishita e pagina di Facebook di ELMAR.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @ 2023 – 2025 Aruba Native All Right Reserved. Powered by 139 Design Studio Aruba