Siman pasa nos a ricibi e noticia tristo cu nos amigo Luis Quintero a bay toca su guitara na shelo.
Durante su carera, Luis Quintero a toca na tur cinco continente, encantando e publico cu su interpretacion di obranan di maestronan di musica Latino-Americano y clasico.
Aki na Aruba Luis Quintero tabatin su prome actuacion na 2005 y a desaroya un amor profundo pa nos isla y su hendenan. El a wordo contrata hopi biaha pa bin toca aki y el a forma hopi amistad. Nos hendenan a stime.
Na tur concierto di Festival Nuevo Mundo cu a tuma luga di 2015 te cu 2019, Luis Quiroga taba tey cu su guitara.
Dia cu nos a papia cu ne pa participa den u concierto pa recauda fondo pa nos proximo Festival, mes ora Luis Quintero a OFRECE pa toca gratuitamente. E no tabata bay cobra nada.
Un biaha el a tende cu DR. Francisco Mendoza,un di e sponsornan principal di e Festival, tabata malo y no por asisti ningun concierto, Luis Quiroga, di su mes a bay cas di Dr. Mendoza y dune un serenata cu a dura casi dos ora.
Asina ami ta recorda Luis Quintero, un gran guitarista y un gran ser humano.
