E la cay panort di Kapel – Ciclista transporta pa Hospitaal cu sla fuerte na cabes

Alto Vista – Diasabra mainta unidad di Brandweer y Ambulance a sali direccion kapel di Alto Vista.

E motibo tawata cu un ciclista a accidenta panort di e Kapel. Ta asina cu e ciclista lo a cay y dal su cabes hopi duro.
Esaki a causa cu e la bay for di tino, y dado momento e persona cu tawata hunto cu ne a ripara cu su color a cuminsa cambia.

Mesora a bati alarma. Mirando unda e incidente a pasa Ambulance no por yega, a usa un pickup di brandweer y un pickup cu ta e Rapidresponder di Imsan.

Despues di basta rato cu a stabilisa e ciclista y pone den baki di e pickup di Imsan a core poco poco y yega e parkeerplaats pariba di e Kapel.

Ey nan a pas’e over pa e ambulance cu lo mester a sali cu ne direccion Hospitaal.