Un formador Mike Eman bastante frustra a expresa su disgusto cu Gabinete Wever-Croes 2 a baha e tarifa di belasting pa asina 28 mil hende no paga belasting mas riba nan salario.
Den nan tin 17 mil pensionado cu no lo paga belasting mas riba nan entrada.
Awor Eman ta sconde tras di CAft pa bisa cu e decision ey di Gabinete Wever-Croes 2 no tabata corecto, y cu e si lo cambia esey pasobra awor si e lo respeta CAft!
Pa partido MEP, esaki ta incomprendibel.
CAft a splica dos cos crucial: 1) cu e decision di Gabinete Wever-Croes 2 tin base legal, y 2) cu tin espacio financiero pe.
Loke ta incomprendibel ta cu Eman ta usa e palabranan ey pasobra e ta condena e decision pa baha belasting y elimina belasting pa 28 mil hende.
Loke ta haci’e mas incomprendibel ainda ta cu awor SI Eman ta usa CAft, siendo cu tempo e tabata den Gobierno desde cu CAft a cuminsa na anja 2014, nunca el a worry cu ningun conseho di CAft.
Mike Eman mester para den su sapato y bisa kiko realmente ta molesti’e. Talbes ta e aumento di prijs di gasolin y gas cu SU partner nobo den coalicion a bin cune, contra deseo di MEP?
Pasobra si ta esey ta su problema, e mester mustra curashi y bisa esey.
Pero no critica un decision cu ta den beneficio di 28 mil hende di cual 17 mil ta pensionado.
Mihor cos Mike Eman por hasi ta stop di keha riba e Gobierno aki, forma e Gobierno nobo pa caba, cuminsa splica con e ta bai percura pa e aumento di pensioen di 700 florin TUR LUNA.
