Cu lantamento di e Fundacion Comite di Conmemoracion Pasado di Sclavitud, gabinete a dal un paso importante den implementacion di e palabracionnan relaciona cu pasado di sclavitud. E Comite di Conmemoracion ta haya un papel central den e conmemoracion di pasado di sclavitud nacional y den henter Reino y pa promove di conscientisacion social tocante esaki. Esey minister Uitermark (Asuntonan Interno y Relacion di Reino) ta scirbi awe den un carta na Tweede Kamer, na nomber di minister di Asuntonan Exterior y minister di Enseñansa, Cultura y Ciencia tambe.
Prome miembronan di Comite
E Comite di Conmemoracion ta consisti di miembro procedente di diferente parti di Reino. Ku pasamento di e acta e miembronan nomina ta e prome miembronan di e comite. Nan ta: Sra. Astrid Elburg, Sr. Nolly Oleana (propone di parti di Boneiro), Sr. Shamil Ortega (propone di parti di Corsou), Sra. Clara Reyes (propone di parti di Sint Maarten), Sr. Raimie. Richardson (propone di parti di Sint Eustatius), Sr. Dimetri. Whitfield (propone di parti di Saba) y Sra. Lilian. Callender (propone di parti di NiNsee). Ta preparando entrada di representantenan di Aruba y Surnam.
Papel y responsabilidadnan
E Comite di Conmemoracion ta organisa entrante e aña aki e Conmemoracion Pasado di Sclavitud Nacional riba 1 di juli na Amsterdam y den esaki ta traha den estrecho colaboracion cu NiNsee (Instituto Nacional Pasado di Sclavitud y Patrimonio Hulandes). E comite ta traha como fundacion independiente, sin influencia politico. Esaki ta garantisa un acercamento inclusivo, den cua tin espacio pa diferente perspectiva y iniciativa. E comite lo hunga un papel importante tambe den e dialogo cu lo sigui tocante pasado di sclavitud y stimulacion di proyecto- y iniciativanan cu ta investiga e pasado aki.
Traha riba conscientisacion y conexion dirigi riba futuro
E lantamento aki ta forma parti di un pakete mas amplio di medida, manera a clarifica den e carta di progreso cu minister di Asuntonan Interno y Relacion di Reino a presenta na Tweede Kamer riba 11 di februari. Den e carta aki, banda di lantamento di e Comite di Conmemoracion Pasado di Sclavitud, ta amplia riba e areglonan di subsidio pa iniciativanan social y e progreso di e trayectonan den e parti caribense di Reino y Surnam.
Riba e potret por mira drpd: Nolly Oleana, Dimetri Whitfied, Lilian Callender, Astrid Elburg, Clara Reyes, Raimie Richardson y Shamil Ortega.
