Oranjestad-Aruba Madiki Kavel
Informacion di parti sra.Rasmijn Vocero di polis:
“Awe pa 5’or di mainta patruya di Noord ta meld na central di Polis cu nan lo ta persiguiendo un auto marca Toyota modelo vitz cu ta coriendo inresponsabel (roekeloos) cu luz paga.
Polis ta duna señal pa e para pero e chauffeur no a sigui ordo di polis.
Na altura di Madiki ta purba para e auto y na unda cu segun polis ta informa a manda auto riba e polis. Polis na su turno lo mester a tira y na unda esaki lo a alcansa e chauffeur masculino di e auto.
Polis na su turno ta pidi pa ambulance y hefenan pa bin na e sitio cu maximo urgencia. Ambulance ta yega na e sitio di e sucedido y ta brinda asistencia na e chauffer pero lamentablemente no por a haci nada mas p’e.
Dr.forensico ta presenta y ta constata morto di e hoben di inicial A.C.L. di 19 aña.
Polis tecnico, slachtofferhulp y demas autoridad a presenta pa haci nan investigacion.
Landsrecherche tambe a presenta pa haci nan investigacion pa motibo cu ta trata di envolvimiento di agentenan policial. No por duna mas detayes mirando cu e caso ta bao investigacion”.
