HATO – Diamars den oranan di merdia polis a bay poco pabou di Elmar Hato, unda un auto a cay den greppel y e chauffeur lo ta herida.
Algo pasa di 2’or polis ta yega y berdad ta topa cu jn Chevrolet Aveo color blauw den e greppel parti pazuid y un dama na stuur.
E dama tawata keha di basta dolor y a pa e motibo aki a solicita pa un ambulance.
Mientrastanto polis di trafico tambe a presenta.
Segun e dama, bayendo direccion oost e hood di e auto a dal habri memey caminda, causando cu e la perde control y kita bay na su man drechi cayendo den e greppel.
Paramediconan cu a yega, a tarda algun minuut prome cu nan a logra saca e dama via e porta di pasahero. E no tawata dje facil ey.
Na final a logra y a pasé pa e ambulance pa dun’e e asistencia necesario.
