Green Corridor – Dialuna mainta den careda di 11’or polis y ambulance a bay poco pabou di rotonde di Sero Tijshi. Eynan un auto a perde control y drenta mondi.
Na yegada di unidadnan di rescate nan a mira e auto completamente hinca den e mondi parti panort. Net unda e incidente a tuma luga, por a mira un team/compania haciendo algun trabou cu bari/pion nan ariba caminda.
Na prome instante Paramediconan cu a yega, mester a mira con nan lo yega na e auto pa nan baha e dama. Algun rato despues nan a pensa algo y asina a logra baha e chauffeur.
Na e sitio e la wordo hinca den ambulance unda cu nan a cuminsa dune e asistencia necesario. Polis mester a desvia trafico na e rotonde pa evita cualkier desgracia, durante cu polis di trafico tawata haciendo su anotacionnan.
